د غالیو د تولیدونکو اوصادرونکو اتحادیې د مدیره هئیت دغړو شپږمه ناسته
چهار شنبه مورخ ۶ جمادی الاول ۱۴۴۴ / ۹ قوس ۱۴۰۱
د صنعت اوسوداګرۍ وزارت مرستیال ښاغلي مولوی قدرت الله جمال په مشری دغالیو تولیدونکو اوصادرونکو اتحادیې د مدیره هئیت دغړو شپږمه ناسته د دی وزارت د غونډو په تالار کې ترسره شوه.
دا ناسته چي د غالیود تولیدونکو او صادرونکو د اتحاديې مشر، مرستیالانو، او غړو په ګډون جوړه شوی وه د اتحاديې د اساسنامي اړوند مسائیلو، د کړنلاري تعدیل، تشکیلاتې جورښت، په ولایتونو کي د اتحاديې لخوا د آمریتونو ایجادول او د غړیتوب کارټونو ویشلو په اړه هراړخیزه او تخنیکې بحث وشو.
د صنعت او سوداګرۍ وزارت مرستیال ښاغلي مولوی قدرت الله جمال د ناستې ګډون والو ته ښه راغلاست ترڅنګ، وویل چي تاسي باید د اتحاديې په تشکیلاتې جوړښت کي مسلکي، کارپوه او با تجربه کسان وګماري ترڅو د غالیو د ودي په برخه کي زیاتې لاسته راوړنې ولرو ښاغلي جمال وویل د صنعت او سوداګرۍ وزارت تل هڅه کوي چي د افغانستان صنعت او محصولات د ودي سربیره د نړي په سطحه لومړی مقام ترلاسه کړی.
ښاغلي جمال زیاته کړه چي مونږ باید داسي سند او کړنلاره ترتیب او تصویب کړو ترڅو زمونږ لپاره ګټور وي.
د یادونې وړ ده چي دا قانون په ۸ فصلونو او ۲۷ مادو ترتیب شوي او د تاييد او تصویب څخه وروسته د اجرا وړ دي د دی اساسنامي په انفاذ سره د ۱۳۸۲ کال ۵ میاشت ۲۱ تاریخ قانون ملغا اعلانیږی.
