د صنعت او سوداګرۍ وزارت معین د خوست ولایت له صنعت کارانو سره لیدنه و کړه
شنبه 14 شوال المکرم 1446 / 23 حمل 1404
پدې لیدنه کې د خوست ولایت د صنعت او سوداګرۍ رئیس او د خوست ولایت د صنایع او معادنو خونې رئیس او د خوست ولایت ګڼ شمېر صنعتکارانو ګډون در لود.
صنعتکارانو هغه ستونزې چې د دوی د صنعتي فعالیتونو په وړاندې پرتې دي، د دې وزارت له معین سره شریکې کړې.
محترم مولوي احمدالله زاهد، د افغانستان د صنایعو او معادنو خونې او د صنعت او سوداګرۍ وزارت ترمنځ د لا ښې همغږۍ او د دواړو اړخونو ترمنځ پر یووالي او باور ټینګار وکړ او ډاډ یې ورکړ چې ټول مسوولین د خدمت روحيه لري.
هغه له ټولوصنعت کارانو سره ژمنه وکړه چې د دوی ستونزې به په بشپړه توګه حل شي.
