د سوداګریز اسنادو د واحد مرکز دهمغږۍ غونډه
یکشنبه: دغبرګولي (جوزا) ۸مه ۱۴۰۱
دصنعت اوسوداګرۍ وزارت د مرستیال ښاغلي مولوي قدرت الله جمال په مشرۍ د سوداګریزو ا وصادراتي اسنادو د بهیر د واحد مرکز د فعالیتونو تنظیم او ستونزو د حل په موخه له ټاکل شوي پلاوي سره د ولایتونونو داستازو د همغږۍ غونډه جوړه شوه.
په دغه غونډه کې د ننګرهار، هرات، کندهار، بلخ او خوست ولايتونو د صنعت او سوداګرۍ د ریاستونو استازو په انلاین بڼه ګډون درلود.
په ولایاتو کې د دې وزارت استازو خپلې ستونزې څرګندې او د وزارت مشرتابه څخه يې دهغو دحل غوښتنه وکړه .همدا راز د سوداګریزو چارو عمومي رئیس له ولایتي همکارانو وغوښتل چې خصوصي سکتور ته د خدماتو په وړاندې کولو او همکارۍ کې لومړیتوب ورکړی .
د صنعنت او سوداګرۍ وزارت مرستیال ښاغلي مولوی قدرت الله جمال د ولایاتو استازو ته لارښوونه وکړه چې خپلې ستونزې او لیدلوری د سوداګرو صنعت کارانو او نورو مراجعینو سره شریک کړئ ترڅو ټاکل شوې هئیت د ستونزو په هکله له ځانه سره روښانه انځور ولري او وکولاي څو په لنډ وخت کې یادې ستونزې حل کړاي شي.
