د حکومت او خصوصي سکتور ګډ پلاوی قازقستان ته روان شو
سه شنبه مورخ ۱۴محرم ۱۴۴۵ / ۱۰زمری ۱۴۰۲
د سوداګري د سرپرست وزیر الحاج نورالدین عزیزي په مشري د حکومت او خصوصي سکتور ګډ پلاوی قازقستان ته روان شو.
ددې سفر موخه د قزاق- افغان سوداګریز نندارتون پرانیسته، د دواړو هیوادنو د خصوصي سیکتور د استازو لیدنې او د دواړو هیوادونو تر مینځ د سوداګرۍ، ټرانزیټ، صنعت او د پانګونې د جذبولو په اړه رسمي خبرې اترې دي.
ټاکل شوې په قزاق- افغان نندارتون او نورو پروګرامونو کې د هیواد له داخل او بهر څخه ۳۵۰ افغاني شرکتونه ګډون وکړي او د دریو ورځو لپاره خپل صنعتي، کرنیز او معدني توکې نندارې ته وړاندې کړي.
په دې برسېره په پام کې ده د دواړو هیوادونو د خصوصي سیکتورونو تر منځ په ۱۶ سیکتورونو کې د تړونونو د لاسلیک مراسم په پایتخت آستانه کې د یوې ورځې لپاره ترسره شي.
