د ترجیحی سوداګریزو موافقتنامو په اړه دمذاکراتي کميټې غونډ ډه
دوشنبه دوري ۳۰ مه ۱۴۰۰
د سوداګرۍ د ترجیحي تړونونو په اړه د مذاکراتي کمیټې غونډه چې د صنعت او سوداګرۍ وزیرښاغلي نثار احمد غوریاني په مشرۍ جوړه شوې وه د مالیې ، ترانسپورت ، کرنې ، مالدارۍ او اوبو لګولو وزارتونو استازو او د افغانستان د صنایعو او کانونو استازوهم پکې ګډون درلود.
د غونډې په پیل کې ، د صنعت او سوداګرۍ وزیرښاغلي نثار احمد غوریاني وویل چې د کورني صنعت وده او د سیمې او نړۍ هیوادونو سره د هیواد سوداګرۍ پراختیا لپاره ، اړتیا ده چې د ترجیحي سوداګرۍ تړونونه لاسلیک شي او په ياده پروسه کې بايد چټکتيا رامنځته شي
ښاغلي غوریاني همدارنګه زیاته کړه چې د خبرو اترو کمیټې د ولسمشرۍ د عالي مقام د فرمان پربنسټ د ترجيحي سوداګرۍ تړونونه لاسلیک شوي دي او موخه يې د غوره سوداګریزو موافقتنامو د کاري پروسې ګړندي کول دي.
په دې ناسته کې ، د دې کمیټې د غړو استازو د سوداګرۍ په څو لومړنيو تړونونو کې خپل نظریات او وړاندیزونه درلودل او ټینګار یې وکړ چې د دې کمیټې د غونډو جوړولو پروسه باید نوره هم ګړندۍ شي.
د دې کمیټې اصلي موخې؛ د اقتصادي او سوداګریزو اړیکو لپاره د نوي چاپیریال رامینځته کول ، د نږدې اقتصادي ملګرتیا پیاوړي کول ، د ژوند معیارونو ته وده ورکول ، د افغانستان او نورو هیوادونو ترمینځ دګډو اقتصادي او سوداګريزو اړیکو وده او پراختتيا او دکورني صنعت پیاوړي کول دي .
