د بیلاروس سفیر سره د صنعت او سوداګرۍ وزیر لیدنه
شنبه: د غبرګولي ۸ مه۱۴۰۰
د افغانستان د اسلامي جمهوریت د صنعت او سوداګرۍ وزیرښاغلي نثار احمد غوریاني د بیلاروس جمهوریت غیر مقیم سفیر ښاغلي اولیګ ایوانف سره په خپل کارې دفتر کې وکتل ،د صنعتي - سوداګریزو همکاریو د پراختیا په هکله يې خبرې وکړي.
په دې ناسته کې، د دواړو هیواد تر منځ د ګډې کاري ډلې په رامینځته کولو ، بیلاروس ته د افغانستان د کرهڼیزو محصولاتو دصادراتو زیاتوالي، افغان صنعتکارانو سره د هغه هیواد د صنایعو د برخې همکاری اوپه افغانستان کې د پانګونې په هکله د بیلاروس پانګوالو هڅونې په اړه هم خبرې ترسره شوی.
د صنعت او سوداګرۍ وزیرښاغلي نثار احمد غوریاني کابل ته د ښاغلي ایوانوف د راتګ هرکلي ترڅنګ وویل. افغانستان هڅه کوې د سیمې او نړۍ سره خپلې سوداګریزې چارې پراخه کړي، چې له هغې جملې څخه ورور هیواد بیلاروس زموږ یو ښه سوداګریز شریک دی .
ښاغلي غوریاني زیاته کړه چې دغه وزارت د بیلاروس د صنایعو برخې لخوا د افغانستان د تولیدي صنایعو په وده کې دګډې همکارۍ غوښتونکې دی .
د غونډې په بهیر کې ښاغلي اولیګ ایوانف وویل چې هیواد يې بیلاروس ته د افغانستان د کرهنیزو محصولاتو صادراتو د زیاتیدو غوښتونکي دی، ژمنه یې وکړه چې افغانستان سره به د صنعت په پراختیا کې همکاري وکړي.
د غونډې په پای کې ، دواړو لورو د افغانستان - بیلاروس صنعتي - سوداګریزو اړیکوراتلونکی مثبت وباله ،د اقتصادي - سوداګریزو اړیکو د پراختیا په برخه کې يې یو بل سره دهمکارۍ د ژمنه وکړه.
