د بهیر ګروپ شرکتونو څخه د صنعت اوسوداګرۍ وزيرلیدنه
پنجشنبه دکب ۲۸ مه ۱۳۹۹
دصنعت اوسوداګرۍ وزیر ښاغلي نثار احمد غوریاني د خصوصي سکتور له استازو سره په پل چرخي صنعتي پارک کې د کتابونو د چاپ ، اعلانونو اوپه چاپي سکتورونو کې له غوره شرکتونوڅخه لیدنه وکړه.
ښاغلي غوریانی په دې برخه کې پر فرصتونو او ننګونو خبرې وکړې.
اوزياته يې کړه چې د کتاب د چاپ په برخه کې پانګه اچونه او په ځانګړي ډول د ښوونځيودرسي کتابونو چاپول په دې برخه کې د ځان بسیاینې ترلاسه کولو په لور لومړی ګام دی ، او موږ خوښ یو چې دغوره شرکتونو یوې ډلې په دې برخه کې لویه پانګونه کړې .
له بلې خوا د صنایعو او کانونو د خونو عمومي رییس او د بهیر ګروپ شرکتونو رییس شیرباز کمين زاده ښاغلي غورياني ته دښه راغلاست ترڅنګ وویل چې دوی په دې برخه کې څو ملیونه امریکایی ډالر پانګونه کړې
ښاغلي کمين زاده زیاته کړه چې د غوره شرکتونو ډله داوړتيا لري چې د ښوونې او روزنې درسي کتابونه ، د اعلاناتو توکي ، کارتنونه ، کتابچې او بیلابیل کارتونه او بروشرونه په عالي کیفیت سره چاپ کړي او د هیواد دننه او بهر د اړتیا وړ خامو توکي چمتو کړي.
د صنعت او سوداګرۍ وزارت د هیواد د صنعتي تولیدي فابریکو لخوا د وارداتي خامو توکو د ګمرکي تعرفو په کمولو سره ، په بیلابیلو سکتورونو کې د تولیدي صنعت د ودې او ځان بسیاینې لپاره زمینه برابره کړه.
