د افغان وریجو پرفابریکه د پانګونې ډيروالی

پنج‌شنبه: دوري 26مه 1400

 د افغان وريجو فابریکه ، چې د ننگرهار ولایت په شيخ مصري صنعتي پارک کې فعاليت کوي ، د تولید ، پروسس ، بسته بندۍ او ماشینري په برخو کې خپله پانګونه زیاته کړې.

 دغه فابریکه په ننګرهار ولایت کې د وريجو د تولید ، پروسس او بسته بندۍ په برخه کې د 6سوه زره امريکايي. ډالرو په لومړنۍ پانګونې سره خپل فعاليت پيل کړی وو ، خو اوس یې خپله پانګونه 4 ملیونه ډالرو ته لوړه کړې ده.

 دا فابریکه په يوه شپه او ورځ کې یو سل او شل ټنه وریجو دپروسس او بسته بندۍ ظرفیت لري او ترڅنګ يې ددغه ولايت د اوو سوو څخه زیاتو اوسيدونکو ته د کار زمینه برابره کړې.

 د دې فابریکې چارواکي وايي چې د دې فابریکې پروسس شوې محصولات له امنیتي او دفاعي بنسټونو سره قرارداد شوي او د هېواد بازارونو ته هم وړاندی کيږي.

 په همدې حال کې ، د صنعت او سوداګرۍ وزارت مشرتابه تل هڅه کړې چې د اقتصادي ودې او پرځان بسياينې په موخه خصوصي سکتور او د هیواد صنعت کارانو ملاتړ وکړي.