د افغانستان او اوزبیکستان د ګډ سوداګریز ښار څخه د صنعت او سوداګرۍ وزارت د معین لیدنه

anwar_admin
شنبه ۱۴۰۴/۲/۱۳ - ۷:۳۵
د افغانستان او اوزبیکستان د ګډ سوداګریز ښار څخه د صنعت او سوداګرۍ وزارت د معین لیدنه

پنجشنبه 3 ذوالقعدة الحرام 1446 / 11 ثور1404

نن پنجشنبه، د افغانستان اسلامي امارت د صنعت او سوداګرۍ وزارت معین ښاغلي مولوي احمدالله زاهد، په ترمز کې د افغانستان قونسل، د بلخ ولایت د صنعت او سوداګرۍ رئیس او ورسره مل پلاوي د اوزبیکستان په ترمز ښار کې د افغانستان او اوزبیکستان د ګډ سوداګریز ښار څخه لیدنه وکړه.

په دې لیدنه کې، ښاغلي زاهد د افغان سوداګرو ستونزې په دقت واورېدې په داسي حال کې چې د مشترک بازار لپاره د اوزبیکستان خاص استازی هم موجود وو او ژمنه یې وکړه چې دغه ستونزې به د اړوندو مراجعو سره شریکې کړي، ترڅو د سوداګرۍ لپاره یو غوره چاپېریال رامنځته شي.

ښاغلي زاهد د خبرو پر مهال څرګنده کړه چې په راتلونکې مې میاشت کې به د اوزبیکستان لوړ پوړی هیئت کابل ته سفر وکړي. او دواړه هېوادونه به د ګډ سوداګریز بازار د پراختیا، د ترانزیتي لارې پر پیاوړتیا، او د متقابلو اقتصادي ګټو د زیاتېدو په اړه هر اړخیزې خبرې وکړي. نوموړي ټینګار وکړ چې د دې همکارۍ دوام به د افغانستان او اوزبیکستان ترمنځ د سوداګریز باور د لا ټینګښت سبب شي او د سیمې د سولې او ثبات لپاره به یو مثبت پیغام ولري.

په دې لیدنه کې، ښاغلي زاهد د سوداګرو لپاره د هغه صنعتي سیمو د فرصتونو په اړه بشپړ معلومات ور کړ کوم چې په تیرو څو میاشت کې د امیرالمؤمنین حفظه الله له لوري دَ صنعت له پاره ځانګړې شوه. او له افغان سوداګرو څخه یې وغوښتل چې په کور د ننه د صنعت په برخه کې پانګونه وکړي، ترڅو نه یوازې د افغانستان اقتصادي وضعیت ښه شي، بلکې د هېواد په سیمه ییزه کچه د سوداګرۍ او صنعت په برخه کې یو مهم رول لري.

تازه خبرونه

پنجشنبه ۱۴۰۴/۴/۱۹ - ۹:۱۶
Background image

کندهار ولايت ته د صنعت او سوداګرۍ وزارت د معین سفر

د صنعت او سوداګرۍ وزارت معین ښاغلی مولوي احمدالله زاهد د خپل سفر په ترڅ کې د کندهار ولایت د سوداګرۍ او پانګونې؛ د صنایعو او کانونو خونو له مسئولینو، مدیره پلاوي، ملي سوداګرو، پانګوالو

سه‌شنبه ۱۴۰۴/۴/۱۷ - ۸:۵۱
Background image

د صنعت او سوداګرۍ چارو معين ښاغلي مولوي احمد الله زاهد د هلمند ولايت له والي او صنعت کارانو سره وليدل

د ليدنې په ترڅ کې قدرمن والي مولوي عبدالرحمن مسلم کندزي د هلمند صنعت کارانو ته معين صاحب ورمعرفي کړ، ترڅنګ یې په پانګوالو باندې د صنعت په

دوشنبه ۱۴۰۴/۴/۱۶ - ۸:۴۹
Background image

په هرات ولایت کې صنعتکارانو ته د صنعتي ځمکو رسمي سندونه ووېشل شول

ترڅنګ یې د هرات صنعتي پارک اړوند پنځم فاز افتتاح او د سرک د هموارکارۍ پروژه د هرات د ټولګټو رياست سره قرارداد او عملا کار

BACK TO NEWS