د اطاقونو د تنظیم د چارو په قانون کې دوړاندیز شوې طرحې څیړنه
شنبه : دمرغومي ۶مه ۱۳۹۹
د اطاقونو د تنظیم د چارو په قانون کې دوړاندیز شوې طرحې د څیړنې غونډه دصنعت او سوداګرۍ وزیر ښاغلي نثار احمد غوریاني په مشرۍ تر سره شوه.
په دغه غونډه کې داطاقونودتنظیم، قانون دتعدیل لپاره وړاندیز شوې طرحه وڅیړل شوه او په غوڅ اکثریت سره دتایید وړ وګرځیده.
دیادولو وړده چې په یاده غونډه کې دافغانستان داطاقونو دفدراسیون ریس ښاغلي محمد اسماعیل غضنفر،دمعدن او صنایعو خونې ریس شیرباز کمین زاده، دمېرمنودصنایعو او سوداګرۍ خونې دعامل پلاوي ریسه آغلې منیژې وافق،دسوداګرۍ او پانګونې خونې دمالي پلاوي ریس شیر آغا سخي،دکرنې او مالدارۍ خونې مدیره پلاوي ریس خان محمد فروتن،دهټیوالو او کسبګرو خونې مدیره پلاوي ریس نورالحق عمري،په افغانستان کې دنړیوالې سوداګرۍ خونې دعامل پلاوي ریس حجت الله فضلي،په کابل کې دنړیوالې سوداګرۍ دمرکزاجرایي ریس عبدالقدیر بهمن او د اړونده نهادونو یو شمېر استازو برخه اخیستې وه.
په غونډه کې دصنعت او سوداګرۍ وزیر ښاغلي نثار احمد غوریاني وویل چې داطاقونو په قانون کې یې دتعدیل موخه داده چې په افغانستان کې دصنعت او سوداګرۍ دپراختیا په موخه یوه واحده او ملي برنامه رامنځته کړي.
ښاغلي غوریاني زیاته کړه چې ددې ګام په اخیستلو سره غواړي، دصنعت او سوداګرۍ وزارت، داطاقونو دفدراسیون او دافغانستان دسکتوري اطاقونو ترمنځ دګډې او دوامداره همکارۍ زمینه برابره کړي.
د اطاقونو د تنظیم د چارو قانون له دې وړاندې څو څو ځله دصنعت او سوداګرۍ وزارت، عدلیې وزارت دفدراسیون داطاقونو داستازو او سکتوري اطاقونو داستازو لخوا تر بحث او تعدیل لاندې نیول شوی وو.
