د اداري اصلاحاتو او ملکي خدمتونو دخپلواک کمیسیون له ریس سره دصنعت او سوداګرۍ وزیر لیدنه
دوشنبه: دزمري ۱۱مه 1400
د افغانستان د اسلامي جمهوریت د صنعت او سوداګرۍ وزیرښاغلي نثار احمد غوریاني د اداري اصلاحاتو او ملکي خدمتونو خپلواک کمیسیون له مشر محمد نادر نادري سره د هغه په دفتر کې وکتل تد دواړو لورو ترمنځ یې د ګډې همکارۍ پر پراختیا خبرې وکړي.
په دې لیدنه کې ، د صنعت او سوداګرۍ وزیر نثار احمد غوریاني د اداري اصلاحاتو او ملکي خدمتونو خپلواک کمیسیون د دندو په ګمارلو کې د شفافیت تضمین کولو په برخه کې د هڅو ستاینه وکړه او د نويو کارمندانو د ګمارلو د شفافې پروسې پر دوام یې ټینګار وکړ.
ښاغلي غورياني زیاته کړه چې د صنعت او سوداګرۍ وزارت ټول خالي بستونه به د اداري اصلاحاتو له خپلواک کمیسیون سره په همغږۍ کې اعلان شي ، او نوي کارکوونکي دیوې رڼي سیالۍ له لارې وګمارل شي.
له بلې خوا ، د اداري اصلاحاتو او ملکي خدمتونو خپلواک کمیسیون رییس محمد نادر نادري د کمیسیون او د صنعت او سوداګرۍ وزارت ترمنځ د ګډې همکارۍ پر پراخولو ټینګار وکړ او ویې ویل چې دا پروسه به دوام لري.
