چهار شنبه: دلړم ۷مه ۱۳۹۹

دافغانستان او پاکستان ترمنځ دګمرکي همکاریو هوکړه لیک دپاکستان د ګمرکونودبورد لخوا دافغانستان دصنعت او سوداګرۍ وزارت دسرپرست وزیر ښاغلي نثار احمد غوریاني او دخصوصي سکتورداستازو په حضور کې لاسلیک شو.

دغه هوکړه لیک، چې دپاکستان په پلازمېنه اسلام آباد کې کې لاسلیک شو،له مخې به یې ددواړوهېوادونو ترمنځ دګمرکي همکاریو اړیکې لاپسې پیاوړې شي .

ددغه تړون په مراسمو کې دصنعت او سوداګرۍ سرپرست وزیر ښاغلي غوریاني دافغان سوداګرو ۲۱ مورده ستونزې دپاکستان دګمرکونوله بورد سره یادې کړې، کومې چې ډیری یې دپاکستان په ګمرکونو پورې اړوندیږي، او ددغو ستونزو دژر حل کېدو غوښتونکی شو.

په فزیکي ډول دافغان سوداګرو دمالونو سکن، په کراچۍ، غلام خان،او انګور اډه کې د WEBOC سیستم نشتوالی، دګمرکي محصول په تحویل کول کې ځنډ، دسوداګرو لپاره په کارونو کې نه پاملرنه او په کراچۍ بندر کې داسنادونو په اجرا کولو کې ځنډ، دهغو ۲۱ مواردو څخه وو چې ښاغلي غوریاني دپاکستان دګمرکونو له بور سره مطرح کړل.

دافغانستان او پاکستان ترمنځ دیاد هوکړه لیک پربنسټ به ګمرک ته تر رسیدو وړاندې د محمولې په اړه معلومات وړاندې کیږي،دګمرکي ارقامو او معلوماتو راکړه ورکړه او پر دې سر بېره به دواړه لوري په اړونده برخه کې خپلې تجربې شریکوي او دظرفیتونو په لوړولو به هم کار کوي. دپاکستان دګمرکونو دبورد پلاوي ژمنه وکړه چې دیادو ستونزو په حل کې به هیڅ راز مرستې ونه سپموي او ددواړو هېوادونو دګمرکونو دهمکارۍ په موخه به ګړندي ګامونه اوچت کړي.