بي بي خدبچه الکبرا نندارتون د ۷۸ تړونونو په لاسلیکولو سره پای ته ورسېد
دوشنبه مورخ 6 جمادی الاول 1445 / 29 لړم 1402
دغه مراسم په همدې موخه د افغانستان د ملي او نړیوالو نندارتونونو په مرکز کې ترسره شول.
د صنعت او سوداګرۍ وزارت د نړیوالې سوداګرۍ عمومي رئیس محترم محمد زبیر دین پرور وویل: د اسلامي امارت په راتګ سره افغان ښځو ته دهغوې حقوق په حقیقي او دیني بڼه ورکړل شوي دي
هغه دغه نندارتون د هېواد په تاريخ کې بې ساري وباله او زياته يې کړه: دا د افغانستان په تاريخ کې د ښځو لپاره لومړى ځانګړى نندارتون دى.
دغه راز د صنعت او سوداګرۍ وزارت د نندارتونونو رئیس محترم محمدقابیل عابد د دغه ډول نندارتون جوړول د هېواد د ښځو لپاره ګټور وباله او زیاته یې کړه: د افغانستان د صنعت د ودې او پراختیا لپاره هیڅ ډول هڅې نه سپموي.
دغه راز د افغانستان د ښځو د سوداګرۍ او صنايعو خونې مشرې آغلې سلما يوسفزۍ د دغو مراسمو په څنډه کې د بي بي خدیجه الکبرا (رض) د نندارتون لاسته راوړنې په دې ډول يادې کړې: د ٧٨ قراردادونو لاسليکول، د ولایاتو ترمنځ دسوداګریز تړوناو د هېواد د ښځینه متشبثینو ترمنځ د سوداګریزو تجربو تبادله، د معیارونو د لوړولو په موخه د ښځو لپاره د تولید او بازار موندنې روزنه او د هېواد په ولایتونو کې د متشبثو مېرمنو د ستونزو د حل په موخه د یوه کمېسیون رامنځته کول دیاد ننداتون عمده لاسته راوړنې وبللې..
همدارنګه د ښځینه متشبثینو ، کار او ټولنیزو چارو محترم وزارت ، د کرنې، مالدارۍ او اوبولګولو محترم وزارت او په نږدې راتلونکي کې د هوټلدارانو د اتحادیې ترمنځ په نږدې راتلونکې کې د هوکړه لیک په هکله خبر ورکړ.
د بي بي خدیجه کبرا رض د نندارتون د مراسمو په پای کې د صنعت او سوداګرۍ وزارت او امنیتي سکتور یو شمېر رئیسانو او کارکوونکو ته د دغه نندارتون د ترسره کولو، خبری پوښښ اود غوره امنیت د تامین له کبله ستاینلیکونه ورکړل شول.
