بهرنیو هېوادونو ته دتالک ډبرې د صادراتوبیا ځلي پیلېدل
پنجشنبه: دغوایي ۱۶مه ۱۴۰۰
بهرنیو هېوادونو ته د تالک ډبرې دصادراتو پروسه بیا پیل شوه. د ننګرهار ولایت د صنایعوخونې مسولین وایي چې په تیرو دوه میاشتو کې د هیواد څخه بهر د تالک ډبرود صادراتو پروسه بیا پیل شوې او په زرګونو ټنه تالک ډبره له دغه ولایت څخه صادره شوې چې له مخې یې شاوخوا سل میلیونه افغانۍ عواید راټول شوي. .
په دغه ولایت کې دصنعت او سوداګرۍ چارو ریاست مسولین وايي چې له څو کلونو راهیسې په دغه سکتورکې ۳۷ فابریکې فعالیت کوي د ننګرهار ولایت ۵ زره اوسیدونکو ته یې د کار زمینه برابره کړې. په دې برخه کې داړونده فابریکو مسولین وایي چې دغه ډیری هند ، پاکستان ، تاجیکستان ، قزاقستان ، ازبکستان ، تایوان ، جرمني ، کولمبیا او سریلانکا ته صادریږي.
د یادونې وړ ده چې د دې ولایت په خوګیا ڼو ، شیرزاد او شینوارو ولسوالیو کې د تالک ډبرو کانونه شتون لري ، چې په کال کې زرګونه ټنه تالک ډبرې له دې کانونو څخه استخراج کیږي او بهر ته صادریږي. د یوې څیړنو له مخې ، دتالک ډبرو کانونه په کابل ، کندهار ، میدان وردګ ، لوګر ، کونړ ، خوست ، کاپیسا ، پروان او ننګرهار ولایتونو کې تثبیت شوي دي.
