اروپایي او امریکایي هېوادونوته دزراعتي محصولاتو دصادراتو په ډیروالي دصنعت او سوداګرۍ وزیر ټینګار
یکشنبه: دغبرګولي دویمه ۱۴۰۰
د صنعت او سوداګرۍ وزیر نثار احمد غوریاني په یوه آنلاین ناسته کې چې د کرنې ، اوبو لګولو او مالدارۍ وزارت د اوبو لګولو او طبیعي سرچینو معین ښاغلي هشمت الله غفوري ، د اروپايي اتحادیې د همکارۍ رییس ډاکټر سټیفن لاک، د ټولنیزو چارو مسولې ویم راپیا ، اغلې اینریکا او مانټر سینوګډون درلود ، د نړیوالو معیارونو سره سم اروپایی او امریکایی هیوادونو ته د افغانستان د کرنیزو صادراتو په زیاتوالي ټینګار وکړ.
ښاغلي غوریاني په یاده غونډه کې وویل چې دصنعت او سوداګرۍ وزارت دصادراتي محصولاتوپه ځانګړي ډول دزراعتي محصولاتودصادراتو پر زیاتوالي ،چې په نړیوالو معیارونو برابرې کار کوي
ښاغلي غوریاني همدارنګه زیاته کړه چې یاد وزارت د هغو سازمانونو سره په خبرو کې دی چې د صادراتو محصولاتو لپاره د کیفیت تصدیقونه وړاندې کوي ، ترڅو د هیواد صادراتو محصولاتو لپاره نړیوال تصدیقونه ترلاسه کړي.
په دې ناسته کې ، د کرنې ، اوبو لګونې او مالدارۍ وزارت معین او د اروپايي اتحادیې استازو د افغانستان د کرنیزو محصولاتو د کیفیت پر زیاتوالي ټینګار وکړ او ویې ویل چې دوی د هیواد د کرهنیزو محصولاتو لپاره د نړیوالو معیارونو سره د کیفیت تصدیقون په ترلاسه کولو کې مرسته کوي.
په دې ناسته کې د افغانستان اسلامي جمهوریت ، د صنعت او سوداګرۍ وزارت او د کرنې ، اوبو لګونې او مالدارۍ وزارت د کرهنیزې سوداګرۍ پر پراختیا ، د اروپايي اتحادیې پر ملاتړ د کرنې د صادراتوپر معیاري کولو او د صادراتو د ښه والي لپاره په لیدلورو او همداراز د ((امید))له پروژې سره داروپایي اتحادیې پر ۱۷میلیونه ډالرو مرستې هم بحث تر سره شو .
