اروپايې هیوادونو سره پر سوداګریزو ناستو ټینګار
چهارشنبه د غبرګولي۲۶مه ۱۴۰۰
د صنعت او سوداګرۍ وزیرښاغلی نثار احمد غوریاني چې د یوه لوړ پوړي دولتي پلاوي په مشرۍ د افغانستان - چک او سلواکیا هیوادونو د سوداګرۍ او پانګونې په لومړۍ ناسته کې د ګډون لپاره ،د چک جمهوریت پراګ ته په سفر بوخت دی.
د چک جمهوریت په پراګ کې د افغانستان - چک او سلواکیا هیوادونو دسوداګرۍ او پانګونې لومړۍ غونډه چې د افغانستان او دوه اروپایی هیوادونو ترمنځ د سوداګرۍ او پانګونې دفرصتونو د ارزونې په هکله جوړه شوي ده ،په دوهمه ورځ د چک او سلواکیا پانګوالو افغانستان کې د صنعت،معادنو،او کرهڼي په برخه کې د پانګونې سره خپله لیوالتیا څرګنده کړه.
د ازادۍ راډیو سره په مرکه کې، ښاغلي غوریاني زیاته کړه چې د افغانستان اسلامي جمهوري دولت له بیلابیلو اروپایي هیوادونو سره د سوداګرۍ ،پانګوونې او اقتصادي همکاریو یو ګډه ناسته جوړوي ترڅو په بیلا بیلو سکتورونو کې افغانستان سره د هغوي سوداګریزي اړیکې پراخه او پانګونې ته يې وهڅوی.
د صنعت او سوداګرۍ وزیر په پراګ کې د افغاني محصولاتو لپاره د لوی بازار رامینځته کیدلو خبر ورکړ،او وویل چې د دې بازار درامینځته کیدلو موخه ،د افغان سوداګرو او اروپایی هیوادونو ترمنځ په سوداګریزو چارو کې اسانتیاوې رامنځته کول ،بازارمونده او افغانې تولیداتو ته د اروپايې هیوادونو لاس رسي وبلل شو .
ازادۍ راډیو د ښاغلي نثار احمد غوریاني په حواله لیکلي په تیرو دریو اونیو کې یې لسګونه فابریکې د سل میلیونه ډالرو په ارزښت فعالې کړي او ۵۱ نورې فابریکې به په نږدي راتلونکې کې پرانستل شي.
