د افغانستان دمعدن او صنایعو خونې دایران اسلامي دولت سازمان نظام مهندسي معدن ترمنځ تفاهم لیک لاسلیک شو
دوشنبه ۴ ذوالقعدةالحرام۱۴۴۵ / ۲۴ غویی ۱۴۰۳
د افغانستان دصنعت او سوداګرۍ وزارت د مرستیال محترم مولوي قدرت الله جمال په حضور کې د افغانستان د معدن او صنایع خونې رئیس ښاغلي شیرباز کمین زاده د ایران اسلامي جمهوري دولت د سازمان نظام مهندسي معدن خونې له نماینده ښاغلي رضا بسطامي سره دهمکارۍ دوه اړخیز تفاهم لیک لاسلیک کړ.
د تفاهم لیک دلاسلیک پر مهال یو شمېر افغاني ملي سوداګرو او په کابل کې د ایران د سوداګریزې اتشې رئیس ښاغلي رستائي هم حضور درلود.
ښاغلي بسطامي په خپلو خبرو کې وویل ، موږ به په نږدې راتلونکي کې په افغانستان کې خپل دفتر هم پرانیزو ترڅو ایراني انجنیران خپلې هغه تجربې چې د معدنیاتو په برخه کې لري له افغاني انجينرانو سره شریکې کړې.
ښاغلي بسطامي زیاته کړه په افغانستان کې د صنعتکارانو لپاره زیاتې اسانتیاوې رامنځته شوي دي او دا یې د افغانستان داقتصادي ودې لپاره یو ښه پرمختګ وباله .
په پای کې ښاغلي مولوي قدرت الله جمال د معدن خونې له رئیس ښاغلي شیرباز کمین زاده او د ایراني لوري له راغلي هیئت څخه مننه وکړه او غونډه دخیر په دعا پای ته ورسېده.
