د افغانستان اسلامي امارت د صنعت او سوداګرۍ وزارت معین او مل پلاوي د اوزبیکستان هیواد په نړیوال نندارتون کې ګډون وکړ
سه شنبه 1 ذوالقعده الحرام 1446 / 9 ثور 1404
د افغانستان اسلامي امارت د صنعت او سوداګرۍ وزارت معین او ورسره مل پلاوي د اوزبیکستان په پلازمېنه تاشکند کې جوړ شوي نړیوال نندارتون کې ګډون وکړ. په دې نندارتون کې د روسیې په ګډون د منځنۍ آسیا هېوادونو ګډون کړی وو.
په نندارتون کې د اوزبیکستان هیواد جمهور رئیس، د هغه مرستیالانو، د اوزبیکستان هیواد یو شمیر وزیرانو، او د بېلابېلو هېوادونو لوړ پوړيو چارواکو او سوداګریزو استازيو ګډون درلود. د دې نندارتون هدف د سیمې هېوادونو ترمنځ د سوداګرۍ، صنعت، او اقتصادي اړیکو پراختیا او د نوو فرصتونو رامنځته کول وو.
دغه نندارتون د سیمې د اقتصادي همکاریو د پیاوړتیا لپاره یوه غوره بېلګه ګڼل کیږي.
