ملاقات سرپرست وزارت صنعت و تجارت ا.ا. افغانستان با سفیر قزاقستان
دوشنبه ۱۱ شعبان العظم ۱۴۴۶ / ۲۲ دلو ۱۴۰۳
محترم الحاج نورالدین عزیزی، سرپرست وزارت صنعت و تجارت امارت اسلامی افغانستان عصر امروز دوشنبه مورخ 22دلو 1403 با آقای گزیز اکباسوف، سفیر جمهوری قزاقستان مقیم کابل ملاقات نمود.
در این ملاقات دوطرف پیرامون ایجاد مرکز تجارتی در شهر آلماتی برای تاجران افغان، عملی‌سازی تعهدات صورت گرفته میان تاجران دوکشور در قراردادها، سرمایه‌گذاری تاجران قزاق در افغانستان و ایجاد سهولت‌های لازم در صدور ویزه به تاجران افغان از سوی سفارت قزاقستان در کابل بحث و تبادل‌نظر نمودند.
همچنین در این ملاقات پیرامون راه‌های حل مشکلات تاجران و منازعات تجارتی میان آنها بحث صورت گرفت.
