د افغانستان اسلامي امارت د صنعت او سودګرۍ سرپرست وزیر د یوه پلاوي په مشرۍ پاکستان ته په سفر روان شو

چهارشنبه 18 شوال المکرم 1446 / 27 وري 1404

د صنعت او سودګرۍ سرپرست وزیر محترم الحاج نور الدین عزیزي د یوه پلاوي په مشرۍ چې د ریاست الوزرا د اقتصادي معاونیت، د چارو د ادارې د لوی ریاست اړوند د پانګونې د آسانتیا ریاست او د بهرنیو چارو،مالیې، د کډوالو او بېرته راستنیدونکو چارو، ترانسپورت او هوایي چلند، کرهنې، اوبو لګولو او مالدارۍ وزارتونو او همدارنګه د کرهنیزو تولیداتو، سوداګرۍ او پانګونې خونو استازي هم پکې ګډون لري، نن چهارشنبه ( د وري ۲۷مه)، د پاکستان هېواد ته په سفر ولاړ.

ددې سفر موخه د دواړو هېوادو د سوداګرۍ،ترانزیت او لېږد رالېږد په لاره کې د پرتو خنډونو څېړل او لیري کول او په پاکستان کې د پرتو افغان مهاجرینو په وړاندې د شته ستونزو او ننګونو په اړه خبرې اترې ښودل شوې دي.