د صنعت او سوداګرۍ مرستیال وزیر د ایران اسلامي جمهوریت له اتشه سره ولیدل
چهارشنبه ۵ رجب المرجب۱۴۴۵ / ۲۷ مرغومی ۱۴۰۲
د افغانستان د صنعت او سوداګرۍ وزارت مرستيال مولوي قدرت الله جمال په خپل کاري دفتر کې د ایران اسلامي جمهوریت له اتشه حسین روستایي سره ولیدل.
په دې کتنه کې ښاغلي روستایي په افغانستان کې د صنعت او سوداګرۍ په برخه کې د پانګونې ليوالتيا لوړېدل وستایل او په وینا يې غواړي د دواړو هېوادونو سوداګريزو اړیکو په لا پياوړتیا کې برخه واخلي.
نوموړي هیله څرګنده کړه، چې د دواړو هېوادونو سوداګرو ته دې لا ښې اسانتياوې برابرې او په دواړو هيوادنو کې يو بل ته د کار کولو زمينه برابره کړی شي.
د صنعت او سوداګرۍ وزارت مرستيال مولوي قدرت الله جمال د خپلو خبرو په ترڅ کې وويل افغانستان يوه خپلواکه اقتصادي پاليسي لري ، چې د همدې پالیسۍ په رڼا کې بهرني پانګوال دلته پانګونه کولی شي.
ښاغلي جمال زياته کړه موږ له ايراني سوداګرو هم ورته غوښتنه کوو چې په افغانستان کې پانګونه وکړي او له شته اسانتياوو دې ګټه واخلي.
