د میدان وردګو ولایت له صنعتکارانو سره ناسته
سه شنبه مورخ ۲۶ جمادی الثانی ۱۴۴۵ / ۱۹ مرغومی ۱۴۰۲
د صنعت او سوداګرۍ وزارت مرستیال ښاغلي مولوي قدرت الله جمال د میدان وردګو ولایت له صنعتکارانو سره وکتل.
په دې کتنه کې ښاغلي جمال ټینګار وکړ چې اوس د افغانستان د خلکو ژوند په بیړنۍ توګه د صنعت ودې ته اړتیا لري او په همدې خاطر موږ د هېواد له صنعت او صنعتکارانو څخه بشپړ ملاتړ کوو.
ورپسې د میدان وردګو ولایت صنعتکارانو د دغه ولایت د کوتل تخت صنعتي پارک په اړه خپلې ستونزې مطرح او د دغه پارک د زیربناوو د جوړولو لپاره یې خپل چمتووالی څرګندکړ.
ښاغلي جمال د دوی له اخلاص څخه مننه وکړه او ویې ویل چې د صنعت او سوداګرۍ وزارت په ټول افغانستان کې د صنعتي پارکونو د زیربناوو د جوړولو په اړه پلانونه لري زیاته يې کړه :امیرالمومنین حفظه الله صنعتکارانو ته په صنعتي پارکونکو کې د ځمکو د ویش د لا همغږۍ په هکله دې وزارت ته لارښوونه کړې ده چې د زیربناوو په برخه کې دې یوه هر اړخیزه کړنلاره جوړه شي چې په صنعتي پارکونو کې د ځمکو د بیې او همدارنګه د پارکونو قانون ترتیب شې کوم چې اوسمهال د قانوني پروسې د طی مراحلو په حال کې دې چې د توشیح څخه وروسته به يې په صنعتي پارکونو کې د ځمکو ویش پیل شی.
