د صنعت او سوداګرۍ وزارت معین مولوي احمدالله زاهد د وچې مېوې سوداګرو سره وکتل

anwar_admin
یکشنبه ۱۴۰۴/۲/۲۸ - ۹:۲۳
د صنعت او سوداګرۍ وزارت معین مولوي احمدالله زاهد د وچې مېوې سوداګرو سره وکتل

یکشنبه 20 ذوالقعدةالحرام 1446 / 28 ثور 1404

د صنعت او سوداګرۍ وزارت معین مولوي احمدالله زاهد د وچې مېوې یو شمېر صادروونکو سوداګرو سره وکتل. په دې لیدنه کې سوداګرو خپلې ستونزې له ښاغلي زاهد سره شریکې کړې.

ښاغلي زاهد سوداګرو ته ډاډ ورکړ او زیاته یې کړه چې صادرات د یو هېواد د اقتصادي ثبات او پرمختګ لپاره بنسټیز اهمیت لري. نوموړي وویل چې د صادراتو په برخه کې که هر ډول ستونزې او ننګونې وي، سوداګر کولای شي دا ستونزې له اړوندو مراجعو، په ځانګړي ډول د صنعت او سوداګرۍ وزارت سره په آزاده توګه شریکې کړي. هغه ډاډ ورکړ چې وزارت به د دغو ستونزو د ژر حل لپاره هڅې وکړي.

ښاغلي زاهد وویل چې په نږدې راتلونکي کې به د اسلامي امارت یو لوړپوړی پلاوی چین ته سفر وکړي. نوموړي زیاته کړه چې د دې سفر پر مهال به د وچې مېوې د صادراتو په برخه کې موجودې ستونزې او ننګونې له چینایي چارواکو سره وڅېړل شي او د حل لارې به ورته ولټول شي.

ښاغلي زاهد د صادراتي توکو پر معیاري کولو او کیفیت ټینګار وکړ. نوموړي سوداګرو ته لارښوونه وکړه چې د صادراتو د کیفیت په لوړولو سره به زموږ د صادراتو ګراف لوړ شي او زموږ توکي به په نړیوالو بازارونو کې ځانګړی حیثیت ومومي.

سوداګرو په دې ناسته کې د پروسس او بسته بندۍ لپاره د ځمکې غوښتنه وکړه. په ځواب کې، ښاغلي زاهد هغوی ته ډاډ ورکړ چې دوی ته به د عالیقدر امیرالمؤمنین حفظه‌الله له لوري د منظور شوي قانون سره سم ځمکه توزیع شي.

شاغلی زاهد هغوی ته وویل چې د صنعت کارانو او سوداګرو پر مخ د وزارت دروازې تل خلاصې دي، او دوی کولای شي هر وخت خپلې ستونزې له وزارت سره شریکې کړي.

تازه ترین اخبار

شنبه ۱۴۰۴/۶/۸ - ۱۵:۲۴
Background image

بازدید وزیر صنعت و تجارت از فابریکه پرؤسس میوه‌جات امیدبهار

محترم الحاج نورالدین عزیزی، وزیر صنعت و تجارت با هیئت همراه شان جهت تشویق و حمایت از سکتورصنعت کشور از فابریکه پرؤسس

جمعه ۱۴۰۴/۶/۷ - ۸:۱۷
Background image

دوازدهمین جلسه هیئت مدیره اتحادیه مؤلدین و صادرکنندگان قالین برگزار گردید

دوازدهمین جلسه هیئت مدیره اتحادیه مؤلدین و صادرکنندگان قالین تحت رهبری محترم الحاج نورالدین عزیزی، وزیر صنعت و تجارت و رئیس هیئت مدیره این اتحادیه

جمعه ۱۴۰۴/۶/۷ - ۸:۱۵
Background image

ملاقات وزیر صنعت و تجارت امارت اسلامی افغانستان با شادرژدافیر سفارت دولت قطر مقیم کابل

کابل – محترم الحاج نورالدین عزیزی، وزیر صنعت و تجارت امارت اسلامی افغانستان با آقای دكتور مردف القاشوطی، شارژدافیر سفارت دولت قطر مقیم کابل دیدار و

BACK TO NEWS