ملاقات سرپرست وزارت صنعت و تجارت امارت اسلامی افغانستان با رئیس جمهور جمهوری اوزبیکستان

چهارشنبه14 ذولحجةالحرام 1446 / 21 جوزا 1404

محترم الحاج نورالدین عزیزی، سرپرست وزارت صنعت و تجارت امارت اسلامی افغانستان، محترم مولوی احمدجان بلال، رئیس عمومی شرکت‌های امارتی و هیئت همراه در حاشیه‌ی چهارمین کنفرانس بین‌المللی سرمایه‌گذاری تاشکند با محترم شوکت میرضیایف، رئیس جمهور جمهوری اوزبیکستان ملاقات نمود.

در این دیدار، دوطرف پیرامون گسترش همکاری‌ها در بخش‌های تجارت و اقتصاد، ترانسپورت، لوژستیک، انرژی، زراعت و همچنان استخراج معادن گفت‌وگو کردند.

در پایان سرپرست وزارت صنعت و تجارت امارت اسلامی افغانستان از موقف رئیس جمهور اوزبیکستان، در کنفرانس بین‌المللی سرمایه‌گذاری تاشکند در قبال افغانستان ابراز سپاس و امتنان نمود.