د کاليو مينځلو مایعاتو اړوند صنعتکارانو سره د صنعت او سوداګرۍ وزارت د مرستيال لیدنه
چهارشنبه۱۷ شعبان المعظم۱۴۴۵/ ۹ کب۱۴۰۲
د صنعت او سوداګرۍ وزارت مرستيال مولوي قدرت الله جمال د خصوصي سکتور په برخه کې له یو شمېر پانګه والو او صنعت کارانو سره ولیدل.
دې ناسته کې چې ښاغلي شير باز کمين زاده او ښاغلي پرويز حيدري هم ګډون درلود د هيواد صنعتکارانو د کاليو مينځلو واسلينو د صنعت په غوړيدا سربيره ، هيواد ته د بې کيفيته خامو موادو په واردولو، د ارزولو په موخه له ښاغلي جمال سره خپل نظرونه شريک کړل.
همدارنګه دوی د تعرفې په لوړوالي او په بازار کې د بې کيفيته خامو موادو د خرڅلاو، چې د رنګا رنګ ناروغيو د پېښيدو لامل کیږي، د مخنیوي په موخه د صنعت او سوداګرۍ وزارت او د صنعتکارانو په همکارۍ د حل لارې په جوړولو خبرې وکړې.
صنعتکارانو له ښاغلي جمال نه مننه وکړه چې د هيواد د صنعتکارانو او سوداګرو ستونزې يې پر وخت اوريدلې دي او هر وخت يې د ستونزو په له مينځه وړلو کې له دوی سره همکاري کړې ده.
د صنعت او سوداګرۍ مرستیال وزیر دوی ته د همکارۍ ترڅنګ یادونه وکړه، چې د صنعت او سوداګرۍ په پیاوړتیا کې به په شریکه او همغږي ډول د ځان بسیاینې په لور ګامونه اخلو.
