د کورنیو تولیداتو په ملاتړ د وزارتونو ترمنځ د همغږي لومړنۍ ناسته ترسره شوه
دوشنبه مورخ 22 رجب المرجب 1444 / 24 سلواغه 1401
د کورنیو تولیداتو په ملاتړ د وزارتونو ترمنځ د همغږي لومړنۍ ناسته د صنعت او سوداګرۍ وزارت سرپرست ښاغلي الحاج نورالدین عزیزي په مشرۍ ترسره شوه.
په دي ناسته کې چې د روغتیا، حج او اوقاف، وزارتونو او د درملو او خوړو ادارو استازو هم حضور درلود.
د صنعت او سوداګرۍ وزارت سرپرست د افغانستان اسلامي امارت له کابینۍ څخه د کورنیو تولیداتو د ملاتړ طرحې تائید په اړه مننه وکړه، وویل اوس مهال په هیواد کې ښې فابریکې فعالیت لري او اړتیا ده چي د هغوی ملاتړ وشي او همداراز کورنیو تولیداتو ته بازار موندنه وشي.
د هیواد د سکټوري خونو او د ادارو استازو په خپل وار سره د صنعت او سوداګرۍ وزارت د کورنیو تولیداتو د ملاتړ طرحی څخه ملاتړ وکړ او وویل چې په خپل ادارو کې به د کورنیو تولیداتو ته لومړيتوب ورکوي، دوی خپل پلانونه او نطریات شریک کړل، د هیواد د تولیدي توکو د کیفیت په اړه خبرې وکړې همدارنګه د کانونو او صنایعو خونې استازي ژمنه وکړه چې د تولیدي فابریکو مسوولین به د توکو کیفیت ته جدي پاملرنه کوي.
د صنعت اوسوداګرۍ وزارت سرپرست ښاغلي الحاج نورالدین عزیزي د ناستې د ګډونوالو خبرو په اوریدلو سره، وویل چې مونږ ټول خداي او ملت ته مسئوول یو، ښاغلي عزیزی وویل دټولو ادارو څخه یو تخنیکې ټیم جوړ او د شوې بحثونو په مطابق د کورنیو تولیداتو د ملاتړ په موخه یوعملیاتي پلان ترتیب شې، زیاته یې کړه اوسمهال افغانستان د څه باندې ۵۰ توکو د محصولاتو اوتولیداتو په برخه کې پرځان بسیا رسیدلې، پکار ده چې خصوصي سکټور د صنایعو په پراختیا او په ځانګرې توګه د نساجۍ د صنعت د پیاوړتیا لپاره لاس په کار شي ترڅو زمونږ هېوادوال د لیلامي توکو پرځای خپلو کورنیو تولیداتو څخه کار واخلی.
