جلسه تحلیل پلان 5ساله استراتژیک برگزار گردید
یکشنبه ۲۳ رجب المرجب ۱۴۴۵ / ۱۵ دلو ۱۴۰۲
جلسه تحلیل پلان 5ساله استراتژیک وزارت صنعت و تجارت تحت رهبری محترم مولوی قدرت‌الله جمال معین امور صنعت و تجارت این وزارت با حضور روئسا و آمرین مرکزی و اشتراک واحدهای ولایتی این وزارت به شکل آنلاین برگزار گردید.
در آغاز این جلسه محترم مولوی قدرت‌الله جمال در مورد اهمیت پلان در پیشرفت فعالیت‌های اداری صحبت نموده و پلان استراتژیک را لازمه آینده روشن مدیریت دانست و به مسئولین مرکزی و واحدهای ولایتی هدایات لازم را جهت ایجاد این پلان استراتژیک سپردند.
سپس محترم عبدالمقیم افغان رئیس استراتژی، پالیسی و پلان این وزارت، فورم تحلیل استراتژیک ریاست‌ها را به اشتراک‌کنندگان تشریح نموده و خواستار همکاری در ساخت این پلان گردیدند.
