سوداګرو او صنعت کارانو سره لیدنه
سه شنبه مورخ 9رجب المرجب 1444 / سلواغه 1401
د صنعت او سوداګرۍ وزارت مرستیال ښاغلي مولوي قدرت الله جمال سوداګرو او صنعت کارانو سره لیدنه وکړه.
په یاده لیدنه کې سوداګرو په هیواد کې د سهامی شرکت له لاری د سرطان د ناروغۍ درملنې لپاره د مجهزه روغتون پر جوړولو بحث وکړ او صنعت کارانو د سوداګريزو ویزو په برخه کې خپلې ستونزې بیان کړل او د ستونزو د حل غوښتوونکې شول، همدا راز پانګوال د خپلې فابریکې د تولیداتو د کاپی کیدو څخه شکایت درلود او د دی کار د مخنیوی غوښتوونکې شول.
ښاغلي مولوي قدرت الله جمال سوداګرو ته د ښه راغلاست ترڅنګ، وویل چې امیرالمومنین ( حفظه الله ) تل د صنعت کارانو او سوداګرو څخه ملاتړ کړی او د صنعت او سوداګرۍ وزارت یې د سوداګرو او صنعت کارانو کور وباله زیاته يې کړه چې صنعت او سوداګرۍ وزارت په امارت کې د سوداګرو او صنعت کارانو استازی دی همدا راز د صنعت او سوداګرۍ وزارت مشرتابه هم د امیرالمومنین ( حفظه الله ) د هدایاتو په مطابق سوداګرو او صنعت کارانو څخه هر اړخیزه ملاتړ کوي.
په پای کې ښاغلې جمال سوداګرو ته د ستونزو د حل لپاره د چټک حل لټولو ډاډ ورکړ او وویل چې ستاسو وړاندیزونه به د تائيد په موخه اقتصادی کمیسیون سره شریک کیږي.
