د ولسي جرګې د ملي اقتصادي کمیسیون په ناسته کې د صنعت او سوداګرۍ وزیر ګډون
شنبه:دچنګاښ۱۹مه ۱۴۰۰
د صنعت او سوداګرۍ وزیرښاغلي نثار احمد غوریاني د ملي اقتصاد کمیسیون په ناسته کې ګډون وکړ،دسوداګرۍ،صادراتو او پانګوونې د زیاتوالي اړونده مسائیلو يې بحث ترڅنګ د یاد کمیسیون دغړو پوښتنو ته ځوابونه هم وویل.
د صنعت او سوداګرۍ وزیروویل د یو شمیر سوداګریزو بندرونو تړل موقتي دي چې د امنیتي ځواکونو د هڅو له امله به ډیر ژر سوداګریزې چاري په یادو بندرونو کې پیل شي.
ښاغلي غوریاني زیاته کړه چې د هیواد د اتباعو د اړتیا وړ لومړنیو توکو د احتکار او قیمت پلورلو د مخنیوي لپاره د وزارت د مستهلیکنیو د ملاتړکمیسیون د خصوصي سکتور په همکارۍ په منظم ډول د مرکز او ولایاتو دبازارونود وضعیت څارنه کوي، د قیمت پلورونکو او احتکار کونکو سره قانوني چلند ترسره کیږي.
دصنعت او سوداګرۍ وزیر د هیواد د کرهڼیزو محصولاتو دصادراتو په اړه د ملي اقتصاد کمیسیون غړو ته وویل چې ددې وزارت سووداګریزو اتشو ته يې لارښونه کړي، ترڅو د هیواد د کرهنیزومحصولاتو دصادراتو زیاتوالي او بازار موندنې لپاره خپلې هڅې ګړندۍ کړی.
د کمیسیون غړو ته د ځواب ویلو برخه کې، ښاغلي غوریاني وویل چې دې وزارت دوه میاشتې دمخه په هیواد کې د قحطۍ د مخنیوي په موخه ۱۵۰ میتریک ټنه غنمو د واردولو طرح تر کار لاندۍ نیولي چې په راتلونکې میاشت کې به د نورو اداراتو په مرسته او همکارۍ د یادو غنمو واردات پیل شي.
دصنعت او سوداګرۍ وزیرد کمیسیون غړو ته ډاډ ورکړ چې وزارت د وګړو د اړتیا وړ لومړینو توکو صادراتو او وارداتو لپاره پوره چمتووالی لري او د نرخونو د پورته کیدو ستونزه به نه رامنځته کیږی.
په دې غونډه کې د کرنې او مالدارۍ وزیر انور الحق احدي او د اقتصاد وزارت مرستیال هم شتون درلود.
