د صنعت او سوداګرۍ وزارت د درې نويو رییسان معرفي کول
یکشنبه دغبرګولي 2مه 1400
دصنعت او سوداګرۍ وزارت درې نوي رئیسان ، چې د اداري اصلاحاتو او ملکي خدمتونو کمیسیون د ازادې سیالۍ له لارې ازموینه اخیستې ، د دغه وزارت کارکوونکو ته د صنعت او سوداګرۍ وزیر، ښاغلي نثار احمد غورياني په ګډون د یو لړ مراسمو په ترڅ کې معرفي شول.
ښاغلي غوریاني په يادو مراسمو کې وویل چې ډاکټر همایون د فکري مالکيتونو ریاست د رییس په توګه ، محمد مهدي محمدي د پانګونې د پراختیا رییس په توګه او شاه مسعود ارغندابي د آزاد رقابت له لارې د صادراتو پراختیا رییس په توګه د اصلاحاتو خپلواک کمیسیون له لارې بریالی اعلان شوي.
دصنعت او سوداګرۍ وزير ښاغلي غورياني په وزارت کې د فساد ، تبعیض او توکم پرضد د مبارزې په ټینګار ، وویل چې په وزارت کې به خالي بستونه اعلان شي او هر هغه ځوان چې وړتیا ولري کولی شي د کاندید په توګه ازموینه او پرانستې سیالۍ ته بریالۍ شي او په دنده وګمارل شي
دصنعت او سوداګرۍ وزیر په نويو ريسانو غږ وکړ چې په خپل ټول قوت ، هڅواو زړورتیا سره هیواد ته خدمت وکړي او د هیواد د صنعتي ، اقتصادي او سوداګریزې ودې لپاره لازمې زمینې برابرې کړي.
په دې مراسمو کې ، د صنعت او سوداګرۍ وزارت نويو رئیسانو ، د دې وزارت مشرتابه لخوا د سالم کاري چاپیریال رامینځته کولو څخه مننه وکړه ، او ژمنه یې وکړه چې دوی به خپلې دندې په سم ډول او د اسلامي احکامو سره سم ترسره کړي.
د مراسمو په پای کې ، تازه ګمارل شوي رئیسان د صنغت اوسوداګرۍ وزیرښاغلي نثار احمد غوریاني لخوا د دوی دفتر ته ورغی او د دوی د کار د بریا لپاره یې دعا وکړه.
