د هېواد د خصوصي سکتور له مشرانو سره مشورتي ناسته ترسره شوه
سه شنبه شوال المکرم 1446 / 26 حمل 1404
د افغانستان د اسلامي امارت د صنعت او سوداګرۍ ووزارت سرپرست محترم الحاج نورالدین عزیزي په مشرۍ نن ماردیګر ( سه شنبه د وري ۲۶مه) د هېواد د سکتوري خونو او اتحادیو د مسوولینو مشورتي او د نظر غوښتنې ناسته د هېواد د سوداګرو د ستونزو او ننګونو د پېژندنې په موخه ترسره شوه.
پدې ناسته کې د هېواد د خصوصي سکتور محترمو غړیو خپلې هغه ستونزې چې له پاکستان هېواد سره یې د سوداګرۍ، ترانزیت او ترانسپورت په برخه کې لري،مطرح کړې او د هغې د لیري کولو لپاره یې خپل نظرونه، لید لوري او وړاندیزونه شریک کړل.
ټاکل شوې چې په نژدې راتلونکې کې د صنعت او سوداګرۍ ووزارت د سرپرست محترم الحاج نورالدین عزیزي په مشرۍ د افغانستان اسلامي امارت یو پلاوی پاکستان ته سفر وکړي او هلته د افغان سوداګرو د سوداګریزو، ترانزیتي او ترانسپورتي ستونزو د حل په اړه له پاکستاني چارواکیو سره خبرې اترې وکړي.
