د افغانستان د صنعت او سوداګرۍ وزارت د صنعت او سوداګرۍ چارو د معین ښاغلي احمدالله زاهد په مشري یوه پلاوي د پاکستان اسلامي جمهوریت ته خپل رسمي سفر پیل کړ
دوشنبه، 25 محرم الحرام 1447 / 30 سرطان 1404
نن د دوشنبې ورځ، د ۱۴۴۷ هـ ق کال د محرم الحرام د میاشتي ۲۵مه نیټه، د افغانستان د صنعت او سوداګرۍ وزارت د صنعت او سوداګرۍ چارو د معین ښاغلي احمدالله زاهد په مشري یوه پلاوي د پاکستان اسلامي جمهوریت ته خپل رسمي سفر پیل کړ.
د دې سفر موخه د دواړو هېوادونو ترمنځ د ترانزیټ، سوداګرۍ، او د ترجیحي تعرفې اړوند مهمو موضوعاتو باندی بحث او تبادل نظر دی.
تمه ده چې د دې سفر په ترڅ کې به د ترجیحي تعرفې په اړه هوکړهلیک لاسلیک شي، ترڅو د دواړو هېوادونو ترمنځ اقتصادي او تجارتي اړیکې لا پیاوړې شي.
د افغانستان اسلامي امارت ژمن دی چې د هېواد د سوداګرۍ، ترانزیټ، او صنعت ودې ته دوام ورکړي او له ټولو شته فرصتونو څخه د ملي اقتصاد د پیاوړتیا لپاره ګټه واخلي.
